शुक्रबार १४ आश्विन २०७९

संस्कृति, पर्यटन तथा नागरिक उड्डयनमन्त्री जीवनराम श्रेष्ठ सुरक्षा गार्डलाई थुनामा पठाएको विषयमा आलोचित छन् । उनले शुक्रबार काठमाडौँको ठमेलस्थित भिएफएस ग्लोबलको सुरक्षामा खटिएका गरुड सेक्युरिटिज गार्डका सुपरभाइजर ५१ वर्षीय शेरजंग गुरुङलाई आफूमाथि दुर्व्यवहार गरेको थुनामा पठाएका हुन् ।

शुक्रबार करिब ११ बजे पक्राउ परेका गुरुङविरुद्ध जिल्ला प्रशासन कार्यालय काठमाडौँले अभद्र व्यवहार मुद्दाअन्तर्गत पाँच दिनको म्याद थप गरेको छ । उनलाई अहिले दरबारमार्ग प्रहरीको हिरासतमा राखिएको छ ।उनीमाथि भएको घटनालाई लिएर मन्त्री श्रेष्ठ आलोचित भएका हुन् ।

यहीबिच राप्रपाका पूर्व अध्यक्ष डा. प्रकाशचन्द्र लोहनीले मन्त्रीको फुर्ती देखाएर अपराध गर्ने जीवनरामसँग प्रहरीले बयान लिनुपर्ने माग गरेका छन् ।उनले सामाजिक सञ्जालमार्फत भनेका छन् ‘पदको आडमा कसैमाथि हमला गर्नु प्रतिगमन र हिंसा हो । मन्त्रीको फुर्ती देखाएर एउटा श्रमजीवीलाई आफ्नो कम गर्न खोज्दा प्रहार गर्न खोज्नु अपराध हो । र यसको लागि मन्त्री जीवनरामसँग प्रहरीले बयान लिनुपर्छ ।’

त्यस्तै नेपाल समाजवादीका अध्यक्ष डा बाबुराम भट्टराईले मन्त्रीलाई लाइनमा बस्नुस् भन्दा सुरक्षागार्डलाई थुनिएको विषय लज्जास्पद भएको बताएका छन् ।नियम पालना गराउने अपराधी कि नियम उल्लंघन गर्ने अपराधीरु भन्दै प्रश्न गरेका नेता भट्टराईले यस्तो खबर सुनेर ट्राफिक सिग्नल पालन नगर्दा प्रधानमन्त्रीलाई समेत दण्डित गर्ने देशका पर्यटकले के भन्लान् भन्दै अर्को प्रश्न गरेका छन् ।

संस्कृति, पर्यटन तथा नागरिक उड्डयनमन्त्री जीवनराम श्रेष्ठलाई छायाँ सेन्टरस्थित भिसा सेन्टरमा लाइनमा बस्न भन्दै त्यहाँ कार्यरत सुरक्षा गार्डले रोकेपछि सुरक्षागार्ड शेरजंग गुरुङलाई पक्राउ गरिएको थियो ।उनलाई अभद्र व्यवहारसम्बन्धी कसूरमा ५ दिन थुनामा राखिने जिल्ला प्रहरी परिसर, काठमाडौंले बताएको छ ।

उनले भनेका छन् , ‘मन्त्रीलाई लाइनमा बस्नुस् भन्दा सुरक्षागार्डलाई थुनिएको समाचार सत्य हो भने यो भन्दा लज्जास्पद कुरा के हुन्छरुनियम पालना गराउने अपराधी कि नियम उल्लंघन गर्ने अपराधीरुयो खबर सुनेपछि ट्राफिक सिग्नल पालन नगर्दा प्रमलाई समेत दण्डित गर्ने देशका पर्यटकले के भन्लान्र’

उता राष्ट्रिय स्वतन्त्र पार्टीका सभापति रवि लामिछानेले प्रहरी हिरासतमा रहेका सुरक्षागार्ड शेरजंग गुरुङसँग भेट गरेका छन्। दरबारमार्ग वृत्तमा पुगेर प्रहरी हिरासतमा रहेका गुरुङलाई लामिछानेले भेट गरेको तस्बिर सार्वजनिक गरेका छन्।

काठमाडौंको ठमेलस्थित छायाँ सेन्टरमा बायोमेट्रिक दिन गएका श्रेष्ठलाई त्यहाँ कार्यरत गरुण सेक्युरिटी कम्पनीका सुरक्षागार्ड शेरजंग गुरुङले लाइनमा बस्न आग्रह गरेका थिए। शुक्रबार पीएसओसहित त्यहाँ पुगेका श्रेष्ठलाई सुरुक्षा गार्डले लाइनमा बस्नुस् भन्दा मन्त्री हो भन्दै अगाडि बढ्न खोजेका थिए।

त्यसपछि सुरक्षा गार्डले रोक्दै मन्त्री भए पनि लाइनमा बस्नुस् भनेका थिए। त्यसपछि पीएसओले पनि मन्त्री हो भन्दै सम्झाएपछि सुरक्षागार्ड सबैलाई नियम बराबर हुने बताएका थिए। मन्त्रीलाई दुव्र्यवहार गरेको आरोपमा प्रहरीले गुरुङलाई पक्राउ गरेर हिरासतमा राखेको छ।

‘प्रहरी हिरासतमा रहेका शेरजंग गुरुङ सँग भेटेर उहाँलाई धन्यवाद दिएर आएको छु। कानुन सबैलाई बराबर हुन्छ,’ रविले भेटपछि सामाजिक सञ्जालमार्फत भनेका छन्, ‘शेरजंग जी भन्नु हुन्छ ‘गुरुङको छोरो आवाज अलि ठूलो भयो होला तर मैले कुनै दुव्र्यवहार गरेको छैन। मन्त्री भन्ने मलाई थाहा पनि भएन थाहा भए पनि डिउटी त गर्नै पर्यो।’

उनले ससम्मान रिहा गर्न माग गरका छन्। ‘यदि उहाँको भनाइ सत्य हो भने उहाँलाई थुनामा राख्ने होइन ससम्मान रिहा गरियोस्। दण्डित होइन पुरस्कृत गरियोस्, रविले भनेका छन्, ‘नियम मिचेर लाइन नबस्ने मन्त्री लाई चाहिँ कानुन नमानेको अभियोगमा अनुसन्धान गरियोस्।’


Last Updated on: September 5th, 2022 at 3:29 pm

तपाईको प्रतिक्रिया