भाडामा बस्नेले घर खाली गर्न नमानेपछि १० दिनसम्म घरबाहिर सिढीमा रात बिताउन बाध्य भए घरबेटी – Gandaki Chhadke
Friday, August 12

भाडामा बस्नेले घर खाली गर्न नमानेपछि १० दिनसम्म घरबाहिर सिढीमा रात बिताउन बाध्य भए घरबेटी

July 31, 2022

काठमाडौं ।

तपाइँ आफैं घरधनी हुँदाहुँदै कसैले तपाइँको हक खोस्यो भने के हुन्छ? आफ्नै घरबाहिर बस्न बाध्य हुँदा तपाईलाई कस्तो लाग्छ? यस्तै केही भएको छ एक वृद्ध दम्पतीको साञमा, जहाँ भाडामा लिनेको दादागिरीका कारण घरधनीले गान्धीगिरीको सहारा लिनु परेको छ ।

दिल्लीको छेउमा रहेको ग्रेटर नोएडामा रहेको श्री राधा स्काई गार्डेन सोसाइटीको घर नम्बर १५०५ मा स्वागत पक्कै लेखिएको छ, तर घरधनी आफ्नो घरमा फर्किँदा उनीहरूले स्वागत पाएनन् । आफ्नै फ्ल्याटको स्वामित्व पाउनका लागि दम्पतीले १० दिनसम्म संघर्ष गर्नुपरेको छ ।

बृद्ध दम्पतीले भाडामा दिएको फ्ल्याटको स्वामित्व लिन १० दिनसम्म दिनरात सिँढीमा बसे । भाडा सम्झौताको अवधि समाप्त भइसकेपछि पनि फ्ल्याट भाडामा लिने महिलाले घर खाली नगरेको वृद्ध दम्पतीले आरोप लगाएका थिए ।

वृद्ध जोडीको तस्बिर सामाजिक सञ्जालमा भाइरल भएपछि र सोसाइटीका मानिसहरूले क्यान्डल मार्च निकालेपछि भाडामा लिनेले फ्ल्याट खाली गरेका थिए । यो घटना ग्रेटर नोएडा वेस्टको सेक्टर १६बीमा रहेको श्री राधा स्काई गार्डन सोसाइटीको हो।

श्री राधा स्काई गार्डेन सोसाइटीमा रहेको टी-५ एफ १५०५ को फ्ल्याट नम्बर सुनील कुमारको नाममा छ। ६० वर्षीय सुनिल कुमार भारत पेट्रोलियममा काम गर्थे र रिटायर भएपछि मुम्बईबाट फर्केर ग्रेटर नोएडामा बस्न आएका थिए ।

सुनिल कुमारले भाडामा लिनेलाई मुम्बइबाट फर्किनुअघि नै फ्ल्याट खाली गर्न भनेका थिए । यसका लागि उनले नोटिस पनि पठाएका थिए तर भाडामा लिने महिलाले फ्ल्याट खाली नगरेर कब्जा गरेर बसिन् ।

यस्तो अवस्थामा फ्ल्याट मालिककी श्रीमती राखी गुप्ताले ट्वीट गर्दै भाडा सम्झौता सकिएपछि भाडामा लिने व्यक्तिले फ्ल्याट खाली नगरेको बताइन् । जसका कारण उनीहरुले आफ्नै घरमा प्रवेश पाउन सकेका छैनन् ।

जबकि उनीहरू जहिले आएपनि फ्ल्याट दिने निर्णय भएको थियो । राखी गुप्ताले ट्विटमा एउटा तस्विर पनि सेयर गरेकी थिइन्, जसमा श्रीमान्–श्रीमती सिँढीको छेउमा धर्नामा बसिरहेका छन् ।

राखी गुप्ताले आफूले भाडामा लिने प्रीति गुप्तालाई फ्ल्याट खाली गर्न अप्रिलमा र फेरि मे महिनामा नोटिस दिएको बताइन् । राखी भन्छिन् कि प्रीति गुप्ताले फ्ल्याट खाली गर्न बहाना बनाइरहेकी छिन्। तर उनले फ्ल्याट खाली गरेनन् ।

त्यसपछि उनी र उनका श्रीमान फ्ल्याटको अगाडिको सिँढीमा बसे । मिडिया रिपोर्टका अनुसार उनीहरू १० दिनसम्म सिँढीमा बसे । सो क्रममा सोसाइटीले वृद्ध दम्पतीको समर्थनमा मैनबत्ती मार्च निकालेर ‘प्रीति गुप्ता हाइ–हाइ, प्रीति गुप्ता घर खाली गर’का नारा लगाएका थिए ।

त्यहीँ अहिले राखी गुप्ताले शुक्रबार बिहान १०.४० बजे एक ट्वीट गरेकी छिन् ।उनले आफ्नो ट्विटमा सबै सहयोगीहरुलाई धन्यबाद दिदै तपाईहरु सबैको सहयोगले भाडामा लिने प्रीति गुप्ताले फ्ल्याटमा बस्न अनुमति दिएको बताइन् ।

तर, प्रीतिले हिजोसम्म फ्ल्याट खाली गर्न मानिनन् । मेरो करिडोरमा रहेको सामान पनि फ्ल्याटमा राखिएको छ । यो सबै तपाइँहरूको मिहिनेतले गर्दा भएको हो।

Comment