भद्रपुर, एसियाली राजमार्गको नेपाल–भारत सीमाअन्र्तगत सडकसँगै ६ लेनको मेचीपुल निर्माण भएपछि झापाको मुख्य नाका काँकडभिट्टा छोएको छ । यसअघि काँकडभिट्टा र भारतको पानीट्याङकी जोडने दुई लेनको पुल जीर्ण भएसँगै आवतजावतमा घन्टौं समय लाग्ने गरेको थियो ।नयाँ पुल निर्माण भइसकेपछि यो समस्या अन्त्य हुने भएको छ । २०७४ सालबाट औपचारिकरुपमा काम शुरु भएको पुलको निर्माण अन्तिम चरणमा पुगेको निर्माण कम्पनीले जनाएको छ ।२०७३ सालमा तत्कालीन प्रधानमन्त्री शेरबहादुर देउवा र भारतीय समकक्षी नरेन्द्र मोदीले पुल निर्माणका लागि सम्झौता गरेपछि निर्माण शुरु भएको सो पुलको ९० प्रतिशत बढी काम सम्पन्न भइसकेको छ ।
३ वर्षअगाडि भारतीय पक्षले निर्माण थालेको ६ लेनको क्षमता रहेको मेची पुल सम्पन्न हुँदा काँकडभिट्टा आन्तरिक पर्यटनको केन्द्र बन्दै गएको छ । सहज वातावरणपश्चात् सो पुल चल्दा व्यापारिक कारोबारमा परिवर्तनसँगै पूर्वी नेपालको समृद्धिमा एउटा इँटा थप्ने निश्चित भएको स्थानीय निरबहादुर कार्की बताउनुहुन्छ ।पुल र सडकको सम्बन्ध जोडिएयता नेपाल भारत प्रवेशद्वार काँकडभिट्टा पुग्दा नौलो ठाउँको अनुभूति हुन थालेको उहाँको भनाइ छ । नयाँ पुलसँगै काँकडभिट्टा क्षेत्रको संरचनात्मक काँचुली फेरिएको छ ।सधैं भीडभाड र अव्यवस्थित आवागमन देखिने काँकडभिट्टा पानीट्याङकी सडकलाई नयाँ पुलले काँचुली फेरिदिएको छ ।
५ सय मिटर पहुँच मार्ग निर्माणका लागि पुराना संरचना सबै भत्काइएपछि बनाइएका फराकिलो र चिटिक्क परेको सडक सबैको आकर्षणको केन्द्र बनेको छ ।एसियाली विकास बैङ्कको एक अर्ब तीन करोड ७८ लाख भारतीय रुपियाँ लागतमा निर्माण भएको ६ लेन चौडाइ क्षमताको ६ सय ७५ मिटर लामो पुल रहेको छ । भारतको दिनेशचन्द्र आर अग्रवाल कन्ट्रक्सन प्रालिले ३६ महिनाको अवधिमा सम्पन्न गर्ने गरी ठेक्का लिएको थियो ।पुलमाथिको काम लगभग सकिए पनि एसिन हाइवेअन्तर्गत करिब एक किलोमिटर एप्रोच सडक निर्माणको कार्य अन्तिम चरण पुगेको सडक डिभिजन कार्यालय दमकका इन्जिनियर अनुप साउदिनले बताउनुभयो ।
यसबीचमा निर्माण पक्षले पुलदेखि काँकडभिट्टा बसपार्क क्षेत्रसम्म चार लेन सडक, ढलसँगै विद्युतीय पोल राख्ने काम सम्पन्न गरेको उहाँले जानकारी दिनुभयो ।भारतीयले ठेक्का लिएको हँुदा सबै कुरा जानकारीमा नआए पनि नेपाल तर्फको सडमा कार्यालयले सहजीकरण गरेको उहाँको भनाइ छ । पुलको उद्घाटन चाँडै हुने भएको छ ।नेपाल समाचारपत्र