बुधबार १९ आश्विन २०७९

काठमाडौैं । ब’लात्कारको आरोप लागेका नेपाली राष्ट्रिय टिमका कप्तान सन्दीप लामिछानेले आफू निर्दोष रहेको बताएका छन् । क्यारेवियन प्रिमियर लिग खेल्न हाल वेस्ट इन्डिजमा रहेका सन्दीपले नेपाल क्रिकेट संघ (क्यान) सँगको कुराकानीमा ब’लात्कारको आरोप अस्वीकार गरेका हुन् ।

कार्यवाहक महासचिव प्रशान्तविक्रम मल्लले सन्दिपसँग आफूहरु सम्पर्कमा रहेको बताए । उनीमाथी प्रहरीले प्रमाण फेला परेको जिकिर सहित थप अनुसन्धान गरिरहेका बेला उनले भने उत्तैबाट क्यान पदाधिकारीसाग सम्र्पकमा आएका हुन् । उनी नेपाल आए पक्राउ पर्नेछन् ।

जसकाकारण उनी नेपाल आउलान् या नआउलाने भन्ने चर्चा चलिरहेका बेला भने उनले आफु लिग सकिने वित्तिकै नेपाल आउने बताएको क्यानका पदाधिकारीहरुले बताएका छन् ।सन्दिपले लिग सकेर नेपाल फर्किने जानकारी दिँदै अनुसन्धानमा सहयोग गर्ने प्रतिवद्धता जनाएको उनको भनाइ छ ।

‘हामीले कहिले फर्किने भनेर सोधेका थियौं । उसले म्याच भ्याएर फर्किहाल्छु भनेको छ,’ मल्लले भने ।सन्दीपले आफ्नो कानूनी प्रक्रियामा क्यानले सहजीकरण गरिदिने आशा पनि व्यक्त गरेका छन् । उनले राम्रो वकिल खोजेर सहयोग गरिदिन आग्रह गरेको मल्लले जानकारी दिए ।

‘सन्दीपसँग हाम्रो सम्पर्क भएको छ । उनी हामीसँग सम्पर्कमै छन्, उतै वेष्ट इन्डिजबाटैं । उनले आफु निर्दाेष रहेको बताएका छन् । कानुनी साहायता र सहजीकरणका लागि सहयोग गरिदिन आग्रह गरेका छन्, हामीले कहिले फर्किन्छौं भनेर सोध्यौं, उनले म्याच भ्याएर हो, म्याच सकेपछि फर्किहाल्छु भनेको छ,’ क्यानका कार्यवाहक महासचिव प्रशान्तविक्रम मल्लले सन्दीपको भनाई उदृधत गदैं भने ।

यसैबीच, क्यानले सन्दिपमाथि तत्काल कुनै एक्सन नलिने भएको छ । हिजो क्यानका पदाधिकारीहरुबीच भएको अनौपचारिक कुराकानीमा अहिले पर्ख र हेरको रणनीति लिने समझदारी भएको हो ।मल्लले भने, ‘अहिलेसम्म सन्दिप एक आरोपी मात्र हुन् ।

जाहेरीकै आधारमा मात्र हामीले कारवाही गर्न हतार नगरौं भन्ने सल्लाह भएको छ । भोलि प्रहरीले अदालतमा मुद्दा दायर गरिसकेपछि हामी आफ्नो निर्णय लिनेछौं ।’सन्दीप सीपीएल खेल्न केन्याबाट वेस्टइन्डिज गएका थिए । ३१ अगष्टबाट सुरु भएको सीपीएल १ अक्टोबरसम्म चल्नेछ ।

जमैका तल्लावाजमा अनुवन्धित सन्दीपले अहिलेसम्म टिमले खेलेका ३ वटा खेलमा प्लेइङ ११ मा स्थान पाएका छैनन् । आज जारी म्याचमा पनि उनलाई टिमले वेञ्चमा राखेको छ ।


Last Updated on: September 8th, 2022 at 11:11 am

तपाईको प्रतिक्रिया