बुधबार १९ आश्विन २०७९

सामान्यतः मासिक १० हजार तलबको जागिरका लागि युवाहरु निकै मिहिनेत गर्छन । यस्तो अवस्थामा कुनै पनि काम नगरी हरेक घण्टा हजारौं कमाउने मान्छे छ, भनियो भने पत्याउन गाह्रो हुन्छ तर यो सत्य हो । जापानका शोजी मोरिमोटोले धेरै अनौठो काम गर्छन् ।

३८ वर्षीय शोजी आफैं भाडामा बस्छन् । सुन्दा अनौठो लाग्छ तर यो उनीहरुको काम हो । एक्लोपनसंग संघर्ष गरिरहेका मानिसहरूसंग जानु र कुरा गर्नु ।शोजी मोरिमोटो जापानको टोकियोमा बस्छन् । मिडिया रिपोर्टका अनुसार, शोजी अज्ञात व्यक्तिहरूसँग भाडामा जान्छन् ।

तिनीहरूसँग समय बिताउछन र यसको लागि पैसा तिर्न लगाउछन् । यो काम गरेबापत उनी हरेक घण्टा १० हजार येन लिने गर्छन् । सो अनुसार नेपाली रुपैयाँमा १ घण्टाको करिब ८ हजार ९ सय रुपैयाँ पाउँछन् । उनी स्वयमलाई ट्विटरमा प्रचार गर्छन् ।

शोजी विगत ४ वर्षदेखि यो काममा लागेका छन् । उनले अहिलेसम्म चार हजार जनासँग समय बिताइसकेका छन् । ट्विटरमा उनका लाखौं फलोअर्स छन् । हरेक दिन धेरै मानिसहरू उनलाई भाडामा लिन्छन् । उनले अहिलेसम्म लाखौं रुपैयाँ कमाइसकेका छन् ।

अहिले उनको कामको चर्चा सर्वत्र भइरहेको छ ।शोजीको यो अनौठो कामको तारिफ भइरहेका बेला मानिसहरुले उनको काममाथि प्रश्न पनि उठाउन थालेका छन् । मानिसहरूले उनी किन यस्तो काम गरिरहेका भनी अचम्म मानिरहेका छन् ।

मिडिया रिपोर्टका अनुसार, धेरै मानिसहरूले शोजीलाई भाडामा लिन्छन् किनभने मानिसहरु आफ्नो जिवनबाट बोर हुँदैछन् । शोजीले एक्लोपनको शिकार भएका मानिसहरूलाई सहारा दिन्छन् र बदलामा पैसा लिन्छन् ।सन् २०१८ मा बेरोजगार भएपछि शोजीले यो जागिर सुरु गरेका हुन ।

शोजी आफ्नो सेवाको विज्ञापन गर्न “डु नथिङ रेन्ट–ए–म्यान” नामक ट्विटर खाता चलाउँछन् ।शोजी भन्छन् ‘म मानिसहरूको एक्लोपन र उनीहरूको भावना बुझ्न सक्छु, सायद त्यसैले मानिसहरूले मलाई बोलाउँछन् ।’


Last Updated on: September 12th, 2022 at 6:11 pm

तपाईको प्रतिक्रिया