आइतबार १६ आश्विन २०७९

काठमाडौं । अमेरिकामा बस्ने एक व्यक्ति एक झट्कामा करोडपति भएका छन् । २ अमेरिकी डलर (लगभग २५० रुपैयाँ) खर्च गरेर भाग्यमानी भएका यी व्यक्तिले ठूलो पुरस्कार राशि जिते । उक्त व्यक्तिले लामो समयसम्म चिठ्ठा खेल्दा एउटै नम्बर सेटमा सट्टेबाजी गरिरहेका थिए ।

अन्ततः उनको भाग्यले साथ दियो । पुरस्कार राशिका रूपमा उक्त व्यक्तिले आफ्नो नाममा ५ करोड रुपैयाँ कमाए । ती व्यक्तिसँग जीवनभर हरेक वर्ष २५ हजार डलर लिने विकल्प पनि थियो, तर उनले एकमुष्ट रकम लिने निर्णय गरे। मिशिगन लट्री कनेक्टका अनुसार विजेताको नाम स्कट स्नाइडर हो।

उनको उमेर ५५ वर्ष छ । उनी अमेरिकामा बस्छन् ।उनले यो पुरस्कार जित्न २ डलर खर्च गरेका थिए । स्कटले फेब्रुअरीदेखि मिशिगन लटरी खेल्न थालेको बताए। त्यस दिनदेखि उसले हरेक दिन आफ्नो भाग्य परीक्षण गरिरहेका थिए। हरेक दिन उनले एउटा विशेष नम्बर सेट (७-०७-१२-३१-३७-४४) मा मात्रै बाजी लगाउँथे। उनको यो सिलसिला निरन्तर चलिरहेको थियो ।

स्कटले मिशिगन लटरी अधिकारीहरूलाई बताए कि उनले ग्यास स्टेशनमा टिकट किनेका थिए । यो ग्यास स्टेशन अमेरिकाको जिल्याण्डमा अवस्थित थियो। ७ अगस्टमा उनले आफ्नो नम्बर मिलेको थाहा पाए । तर, जितेर पनि उनले यति ठूलो पुरस्कार जितेको पत्याउन सकेनन् । स्कट स्नाइडर यो रकमबाट आफ्नो लागि घर किन्न चाहन्छन्।

यो पनि ० नेपालमा संसारका विभिन्न ५५ देशको रु दुई खर्ब २७ अर्ब ९५ करोड बराबरको प्रत्यक्ष वैदेशिक लगानी रहेको छ ।नेपाल राष्ट्र बैंकले आज सार्वजनिक गरेको प्रत्यक्ष वैदेशिक लगानीसम्बन्धी सर्वेक्षण प्रतिवेदनअनुसार आर्थिक वर्ष २०७७/७८ को अन्त्यसम्ममा कूल प्रत्यक्ष वैदेशिक लगानीको मौज्दात अघिल्लो वर्षको तुलनामा १४ दशमलव आठ प्रतिशतले वृद्धि भएको हो ।

कूल वैदेशिक लगानीमध्ये चुक्ता पुँजीको अंश ५३ दशमलव नौ प्रतिशत, सञ्चितिको ३१ दशमलव छ प्रतिशत र कर्जाको अंश १४ दशमलव पाँच प्रतिशत रहेको छ । चुक्ता पुँजीको अंश १३ दशमलव सात प्रतिशतले बढेकाले कूल प्रत्यक्ष वैदेशिक लगानीमा वृद्धि भएको केन्द्रीय बैंकको विवरणमा उल्लेख छ ।

प्रत्यक्ष वैदेशिक लगानीसम्बन्धी आवश्यक तथ्याङ्क सङ्कलन गरी यस्तो लगानीको क्षेत्रगत अवस्था एवं प्रवृत्ति विश्लेषणका आधारमा आवश्यक नीति निर्माणमा सहयोग पु¥याउने उद्देश्यले केन्द्रीय बैंकको आर्थिक अनुसन्धान विभागले प्रत्यक्ष वैदेशिक लगानीका सम्बन्धमा प्रत्येक वर्ष स्थलगत सर्वेक्षण गरी प्रतिवेदन प्रकाशन गर्दै आएको छ ।

आव २०७७/७८ मा नेपालमा प्रत्यक्ष वैदेशिक लगानीमा सञ्चालित कम्पनीमध्ये कूल एक सय ९७ वटा कम्पनीको नमूना छनोट गरी सर्वेक्षणबाट प्राप्त तथ्याङ्क तथा अन्य विवरणको विश्लेषणका आधारमा ‘प्रत्यक्ष वैदेशिक लगानीसम्बन्धी सर्वेक्षण प्रतिवेदन, २०७७/७८’ तयार पारिएको केन्द्रीय बैंकले जनाएको छ ।

विसं २०७८ असार मसान्तसम्ममा नेपालमा ५५ देशको प्रत्यक्ष वैदेशिक लगानी रहेको छ । त्यसमा भारतबाट सबैभन्दा बढी अर्थात् रु ७५ अर्ब ८१ करोड र त्यसपछि क्रमशः चीनबाट रु ३३ अर्ब, आयरल्याण्डबाट रु १६ अर्ब ४८ करोड, सिङ्गापुरबाट रु १५ अर्ब ४८ करोड र सेन्ट किट्स एण्ड नेभिसबाट रु १४ अर्ब ५१ करोड प्रत्यक्ष वैदेशिक लगानी भित्रिएको छ ।

नेपालमा रहेको प्रत्यक्ष वैदेशिक लगानीमध्ये ६० दशमलव पाँच प्रतिशत औद्योगिक क्षेत्रमा र ३९ दशमलव चार प्रतिशत सेवा क्षेत्रमा रहेको देखिन्छ । औद्योगिक क्षेत्रअन्तर्गत जलविद्युत् क्षेत्रमा ३० दशमलव आठ प्रतिशत र उत्पादन क्षेत्रमा २९ दशमलव पाँच प्रतिशत वैदेशिक लगानी रहेको देखिन्छ ।


Last Updated on: September 13th, 2022 at 4:53 pm

तपाईको प्रतिक्रिया