Ultimate magazine theme for WordPress.

घरमै बसेर स्वास्थ्य त बिग्रँदै छैन ? ५ मिनेटको यो तरिकाले तपाईँलाई बनाउने छ फिट

68

को’रोना महामारीका कारण अहिले देशमा लकडाउन छ । लकडाउन नभएको बेलामा पनि बिहानको चिसोमा भाइरस सङ्क्रमणको जोखिम ज्यादा हुने भएकोले मर्निङवाकलाई पनि त्यति राम्रो मानिँदैन ।

दिनभरि घरमै भएकाले शारीरिक श्रम त कम हुने नै भइहाल्यो । यसले मानिसको स्वास्थ्य स्थिति बिग्रँदै जाने र शरीर पनि अल्छी हुने सम्भावना ह्वातै बढाइ दिएको छ ।यही स्थितलाई मध्यनजर गरेर हामीले यहाँ ५ मिनेटको सामान्य कसरतको चर्चा गर्दैछौ जसले हामीलाई फिट र फुर्तिलो राख्न मद्दत गर्दछ ।

५ मिनट वर्कआउट अहिले विश्व भरिनै चर्चामा छ । यसको विधि मानिस अनुसार फरक-फरक प्रयोग भएको पाइए पनि हामी यहाँ सामान्य तरिकाको चर्चा गर्नेछौ जसलाई सजिलै सँग भान्सामा पनि अभ्यास गर्न सकिन्छ ।बिहान उठ्ने बित्तिकै घरको आफूलाई सहज लाग्ने स्थानमा जानुस् ।

एउटा टेबल (किचनको स्याल्ल वा घरको कौसीमा भएको वाल भए पनि हुन्छ नभए बेडलाई यसमा प्रयोग गर्न सक्नुहुनेछ )मा दुवै दुवै हात राखेर दश पटक पुसअप गर्नुहोस ।अव नबिसाईकनै दुवै हातले पछाडितिर बाट पुसअप गर्दाको बेलामा जस्तै टेबलमा समाउनु होस र शरीरलाई हातको बलमा तलमाथि गराउनुहोस् यो काम पनि दश पटक जति गर्नुहोस् ।

अब आराम नगरीकनै अगाडी फर्केर फेरी टेबल समाउनु होस र खुट्टामा भार पर्ने गरी १० पटक उठ्ने बस्ने गर्नु होस ।यसमा ख्याल गर्नु पर्ने कुरा के छ भने यो सबै काम हामीले आफूलाई सहज लाग्ने हिसाबले गर्दै क्रमशः जटिल अभ्यासतिर जान सकिन्छ ।

जस्तो खुट्टालाई टाढा नजिक राख्ने पुरै बस्न नसके यसलाई हल्का सङ मात्र गर्ने । तपाईँले जसरी गरे पनि मुख्य कुरा गर्नु नै हो ।अव आफूलाई सिधा अवस्थामा राखेर पैतालाको भरमा थोरै माथि तल गर्नुहोस् । यस बेलामा तपाईँको थकान पनि थोरै मेटिन्छ ।

अव अन्त्यमा सिधा उभिएर दायाँ खुट्टालाई दायाँ हात तिर सिधा पार्ने प्रयास गर्नुहोस् अर्थात् कम्मरको सिधा सम्म लैजानु होस र यो कार्यलाई पनि १० पटक गरेर अर्को खुटामा पनि त्यही प्रक्रिया दोहराउनुहोस ।यो ५ वटा अभ्यासलाई ५ मिनेट सम्म गर्नुहोस आफूलाई नपुगेको जस्तो लागेमा यसलाई १० -११ मिनेट जति पनि गर्न सक्नुहुनेछ । तपाईँलाई १-२ दिनमै यसको फाइदा महसुस हुँदै जाने छ ।