फस्नुहोला है : यस्ता युवतीले आफै होटलको कोठा लगेर बलात्कार गर्यो भन्दै गर्नेछन् करोडौंको बार्गेनिङ – Gandaki Chhadke
Friday, August 12

फस्नुहोला है : यस्ता युवतीले आफै होटलको कोठा लगेर बलात्कार गर्यो भन्दै गर्नेछन् करोडौंको बार्गेनिङ

July 26, 2022

काठमाडौं । विकसित देशहरुमा अलिक अघि मौलाएको हनी ट्रयाप नेपालमापनि बढ्दो क्रममा छ । केही समयअघिपनि एउटा डरलाग्दो हनी ट्रयापको घटना सार्वजनिक भएको थियो ।

अहिले फेरी अर्को त्यस्तै घटना बाहिर आएको छ । अञ्जान युवतीहरुले सामाजिक सञ्जालबाट पुरुषहरुलाई मित्रताका लागि आग्रह गर्ने र बोल्दै गएपछि सजिलै अन्तरंगसम्मका कुरा गर्ने गर्छन् ।

त्यसपछि भेट्न बोलाएर अश्लिल हर्कत क्यामेरामा रेकर्ड गर्छन् । त्यसपछि सुरु हुन्छ बार्गेनिङ्ग । यस्तै हनी ट्रयाप फसेपछि मात्र काठमाडौंका २८ वर्षीय सुमन (नाम परिवर्तन) थाहा पाए ।

उनी होलसेल व्यवसायी हुन् । पैसा उठाउन उनी हप्तैपिच्छे विभिन्न ठाउँका पसलमा गइराख्छन् । त्यही सिलसिलामा डेढ महिना अघि एक पसलमा उनको ३१ वर्षीया कल्पना बस्नेतसँग भेट भएको थियो ।

सामान्य कुराकानीपछि सुमन र कल्पना सामाजिक सञ्जालमा पनि जोडिए । कुराकानी बाक्लिँदै जाँदा उनीहरुले खाजा खाजा एक होटलमा भेट्ने भए ।

‘खाजा खान भेट्ने भनेपछि सामान्य सोचेर गएका सुमनले अर्कै भोग्नु पर्यो । खाजा खाएपछि केही समयमा युवतीले टाउको दुख्यो, रेष्ट गर्नुपर्‍यो भनिन् ।’

सुमनका अनुसार त्यति भनेर कल्पना रिसेप्सनमा चाबी मागेर होटलको एक कोठामा गइन् । सुमन पानीको बोतल लिएर पछि लागे । ‘पाँच मिनेटमै उनी बाहिर निस्किएर गइन् । त्यहाँ उनले जबरजस्ती गरेको आरोप लगाइन् ।

त्यसपछि कल्पनाका श्रीमान् कृष्णहरि खड्काले पनि उनलाई भेटेर धम्क्याउन थाले । प्रहरी कहाँ जाने भन्दै बारम्बार धम्की दिन थालेपछि उनी आत्तिए, आफ्नो इजजत जाने भन्दै श्रीमान श्रीमतीलाई अनुनय विनय गर्न थाले ।

आफूले केही नगरेको भन्दै उनले कल्पनाका श्रीमान्लाई पनि सम्झाउन खोजे । तर उनी मानेनन् । अन्तिममा ३५ लाख रुपैयाँ दिने भए उजुरी नहाल्ने कल्पनाले बताइन् ।

त्यति रकम जुटाउन पनि सुमनलाई सहज थिएन । नजिकका साथीसँग सल्लाह गरिरहेका थिए । त्यहिबीचमा प्रहरी कार्यालयबाट अपराध अनुसन्धानको प्रहरी निरीक्षक (इन्स्पेक्टर) भन्दै सिन्धुलीका २८ वर्षीय सञ्जय कार्कीको उनलाई फोन आयो ।

‘तपाईंविरुद्ध बलात्कारको उजुरी परेको छ’ भन्दै प्रहरीको फोन आएपछि उनी आत्तिए । पीडितसँग कुरा मिलाउने भए चाँडै गर्न नभए संवेदनशील घटनाले मुद्दा छिटो चलाउनुपर्ने भन्दै उनले अल्टिमेटम दिन थाले ।

अनुसन्धानमा संलग्न एक अधिकृतका अनुसार कार्कीले आफू तीन दिनपछि संयुक्त राष्ट्र संघको शान्ति मिसनमा जान लागेको भन्दै उनले छिटो टुंगाउन ताकेता गरेका थिए ।

‘पीडितलाई फोन गरेर अस्ति कार्यालयमा आउनु भएको थियो, जाहेरी छाड्नुभयो फेरि आउनु भएन त भन्दै उनले फोन गरेका रहेछन्’ ती अधिकृतले भने, ‘आउनु भएन भने मुद्दा अघि बढ्छ, अनुसन्धानको प्रक्रियामा मेडिकललगायतका काम गर्नुपर्छ, दुईजना मान्छे लिएर तुरुन्त चौकी आउनुस् भन्दै हप्काएका रहेछन् ।’

यो फोनको रेकर्डसामाजिक सञ्जालमार्फत सुमनलाई पठाइएको थियो । ‘प्रहरीले झैँ हप्काएर फोन गरेको अडियो पठाएपछि सुमनले अविश्वास गर्ने ठाउँ थिएन’ ती अधिकृत भन्छन्, ‘तर धेरै नै प्रयोग गर्दा पनि सुमनले त्यति पैसा जुटाउन सकेनन्, त्यसपछि एकजना आफन्तको सुझाव अनुसार उनले उपत्यका अपराध अनुसन्धान कार्यालयमा घटना बताए ।’

त्यसक्रममा प्रहरी निरीक्षक भन्दै फोन गर्ने सञ्जय कार्कीबारे प्रहरीले छानबिन गर्दा उनी प्रहरी नै नभएको खुल्यो । त्यति मात्र होइन, नक्कली पीडित बनेर हनी ट्रयापमा पार्ने कल्पना र उनका पति खड्काको कर्तुतबारे पनि प्रहरी थाहा पायो ।

त्यसपछि प्रहरीले उनीहरुलाई पैसा दिने बहानामा छद्म भेषमा अपरेशन चलाएर कल्पना, नक्कली प्रहरी निरीक्षक कार्की र उनका श्रीमान् खड्कालाई आइतबार काठमाडौंका विभिन्न स्थानबाट पक्राउ गरेको छ ।

पक्राउ परेका तीनै जनाविरुद्ध अपराधिक विश्वासघात सम्बन्धी कसूरमा अनुसन्धानका लागि जिल्ला प्रहरी परिसर, काठमाडौंबाट म्याद थप गरिएको एसपी कृष्ण कोइरालाले जानकारी दिनुभएको छ । सुमनले त घटनाको विश्लेषण गर्न सके र प्रहरी कहाँ जाने आँट समेत गरे ।

यसैले ठगिनबाट मुक्त भए । तर यो आँट नगर्नेहरु यस्तो अपराधबाट धेरै फसेको प्रहरीको अनुमान छ । प्रहरीले अहिले विशेष अप्रेशन नै चलाई रहेको छ । तपाईपनि यस्तै कुनै घटनाबाट पिडित हुनुहुन्छ भने प्रहरीको शरणमा गइहाल्नुहोस् ।

Comment